ღაზაში დროებით ზავს შედეგი მოაქვს და ის უნდა გაგრძელდეს, - ამის შესახებ აშშ-ის სახელმწიფო მდივანმა, ენტონი ბლინკენმა ისრაელის პრეზიდენტს, იცხაკ ჰერცოგს განუცხადა.

„ცეცხლის შეწყვეტამ ღაზას უდანაშაულო მშვიდობიანი მოსახლეობისთვის ჰუმანიტარული დახმარების გაზრდის შესაძლებლობა შექმნა. ასე რომ, ამ პროცესს შედეგი მოაქვს. ეს მნიშვნელოვანია და ვიმედოვნებთ, რომ ის გაგრძელდება“, - განაცხადა ბლინკენმა.

„ჩვენ, ასევე, ბოლო ერთი კვირის განმავლობაში მძევლების სახლში დაბრუნების ძალიან პოზიტიური განვითარება ვნახეთ“, - აღნიშნა აშშ-ის სახელმწიფო მდივანმა.

ბლინკენი, რომელიც ომის დაწყების შემდეგ რეგიონში მესამედ იმყოფება, ისრაელის პრემიერ-მინისტრ, ბენიამინ ნეთანიაჰუს და პალესტინის პრეზიდენტ, მაჰმუდ აბასს შეხვდება.