აშშ-ის საჰაერო თავდასხმის შედეგად ერაყის ქალაქ კირკუკთან ხუთი ერაყელი ბოევიკი დაიღუპა, - Reuters-ის ინფორმაციით, ამის შესახებ ერაყის უსაფრთხოების ძალების წარმომადგენლებმა განაცხადეს.

ერაყში ისლამური წინააღმდეგობის ჯგუფის განცხადებაში აღნიშნულია, რომ ლიკვიდირებულია მათი ხუთი წევრი და რომ აშშ-ის ძალებზე შურს იძიებენ.

აშშ-ის სამხედრო ძალებში ადასტურებენ, რომ დარტყმა გარდაუვალი საფრთხისგან თავდაცვის მიზნით განახორციელეს.

აღსანიშნავია, რომ ერაყის ისლამური წინააღმდეგობის ძალებმა კვირას, აშშ-ის ძალებზე რამდენიმე თავდასხმის განხორციელებაზე პასუხისმგებლობა აიღეს.

ერაყის შეიარაღებულმა დაჯგუფებებმა 17 ოქტომბრის შემდეგ, ისრაელი-ჰამასის კონფლიქტში ვაშინგტონის მიერ ისრაელის მიმართ მხარდაჭერის გამო აშშ-ის ძალებზე განხორციელებულ 70-ზე მეტ თავდასხმაზე აიღეს პასუხისმგებლობა.