სტამბა „ფავორიტი სტილის“ კიდევ ერთი წარმატება - ევროპული ბაზრის ათვისების შემდეგ, კომპანიის მიერ წარმოებული პროდუქცია ექსპორტზე აშშ-ში გავიდა.

როგორც სტამბის კომერციული დირექტორი ნათია გულორდავა განმარტავს, ეს იქნება პირველი შეკვეთა, რომელიც საქართველოში წარმოებიდან ამერიკაში მიწოდებამდე ყველა ეტაპს „ფავორიტის“ მეშვეობით გაივლის. რაც შეეხება პროდუქტს, ეს არის ბრენდირებული ყუთები, რომელიც უმაღლესი ხარისხის მასალებითა და თანამედროვე დანადგარებით არის წარმოებული.

„ჩვენ აქტიურად ვმუშაობთ ექსპორტის მიმართულებით. ჩვენი მასშტაბები და შესაძლებლობები გვიჩენს ჯანსაღ ამბიციას, „ფავორიტის“ სახელი გავიტანოთ და მყარად დავამკვიდროთ ქვეყნის საზღვრებს გარეთაც. „ფავორიტი“ - ეს არის სტამბა, რომელსაც უკვე საქართველოს ფარგლებს გარეთაც ენდობიან. ჩვენი შეფუთვები უკვე გადის ევროპის, აზიის და ჩინეთის ბაზარზე, რომლის ექსპორტსაც თავად დამკვეთი ახორციელებს და ახლა უკვე გვაქვს მნიშვნელოვანი წარმატება, ევროპის, აზიის და ჩინეთის გარდა, აშშ-ის ათვისებაც დავიწყეთ. ჩვენ უზრუნველვყოთ როგორც ყუთების წარმოებას და გაგზავნას, ისე დამკვეთ კომპანიაში ადგილზე მიტანას, რაც ჩვენს პარტნიორს ხელსაყრელ პირობებს უქმნის“, - განმარტა „ფავორიტი“ სტილის კომერციულმა დირექტორმა ნათია გულორდავამ.

„ფავორიტი სტილი“ როგორც ინოვატორი კომპანია, სამომავლოდაც გააგრძელებს უცხოური ბაზრების ათვისებას, რის საშუალებასაც უახლესი დანადგარები და შესაბამისად, წარმოების უმაღლესი სტანდარტი აძლევს. მან შემოიტანა საქართველოში დანადგარი „კონიკა მინოლტა“, რომლითაც შესაძლებელია რეპრეზენტაბელური საპრომოციო და საინფორმაციო პროდუქციის ბეჭდვა. ასევე, „ფავორიტი“ არის ერთადერთი სტამბა, სადაც ულტრათანამედროვე დანადგარის მეშვეობით საათში ათასობით ჩანთის დამზადებაა შესაძლებელი. მაღალი წარმადობა ერთი მხრივ, დადებითაც აისახება როგორც „ფავორიტი სტილზე“, ისე პარტნიორ კომპანიაზე, რომელსაც დროისა და ფინანსების დაზოგვის შესაძლებლობა ეძლევა.

„ფავორიტი სტილის“ შესახებ: სტამბა ქართულ ბაზარზე თითქმის 30 წელია ოპერირებს. ამ ხნის განმავლობაში მან 10 000ზე მეტი წარმატებული პროექტი განახორციელა და 1000ზე მეტი მსხვილი, საიმედო პარტნიორი შეიძინა. კომპანიის წამყვანი მიმართულებაა შეფუთვებისა და სხვა საპრომოციო პროდუქციის ბეჭდვა. ამასთან, წლებია, „ფავორიტი ტექსტილი“ წარმოების პროცესში ინარჩუნებს მდგრადობას და ზრუნავს ეკოლოგიაზე, რასაც მაკულატურის გადამუშავების შესაძლებლობა აძლევს. ხარისხის ევროპულ სტანდარტს კი კომპანია უახლესი ტექნოლოგიების დანერგვით ინარჩუნებს.

(R)