პარლამენტში კულტურის კომიტეტის საკონსულტაციო საბჭოს გაფართოებული სხდომა იმართება, რომელსაც დიპლომატიური კორპუსის წარმომადგენლებიც ესწრებიან.

ღონისძიება კულტურის კომიტეტის თავმჯდომარე ელისო ბოლქვაძემ გახსნა. დამსწრეებს მისასალმებელი სიტყვით პარლამენტის თავმჯდომარე შალვა პაპუაშვილი, ასევე პირველი ვიცე - სპიკერი გია ვოლსკი და პარლამენტის ვიცე-სპიკერი არჩილ თალაკვაძე და საკონსულტაციო საბჭოს მდივანი ვალერი ასათიანი მიმართავენ, რის შემდეგაც გაიმართება პანელური დისკუსია, რომლის მოდერატორიც კულტურის კომიტეტის თავმჯდომარე ელისო ბოლქვაძე იქნება.

ღონისძიების ფარგლებში დაგეგმილია ასევე აშშ- ის, გერმანიის, ჩეხეთის, იტალიის, იაპონიის, ბულგარეთის, ჩინეთის, აზერბაიჯანისა და საფრანგეთის ელჩების მოხსენებების მოსმენა.

პანელური დისკუსიის ფარგლებში განიხილავენ სახელოვნები განათლების რეფორმის მნიშვნელობას, სამშვიდობო პროცესში კულტურის როლს და კულტურისა მეშვეობით ლიდერი ქალების როლს საზოგადოებაში.