ვენესუელაში გამართულ რეფერენდუმზე მოსახლეობამ გაიანას რეგიონის, ესეკიბოს მიერთებას მხარი დაუჭირა, - ამის შესახებ ინფორმაციას სააგენტო AFP-ი ავრცელებს.

„ვენესუელელმა ხალხმა საკუთარი აზრი ხმამაღლა და გარკვევით დააფიქსირა“, - განაცხადა ვენესუელის პრეზიდენტმა, ნიკოლას მადურომ.

ვენესუელის მთავრობის ცნობით, ქვეყანაში ჩატარებულ რეფერენდუმზე ხმა დაახლოებით 10,5 მილიონმა ვენესუელელმა მისცა, რომელთაგან 95%-მა ვენესუელის შემადგენლობაში ახალი შტატის, ესეკიბოს შექმნას დაუჭირა მხარი.

გაიანას პრეზიდენტი, ირფაან ალი მოსახლეობას სახელმწიფოს სუვერენიტეტის მხარდამჭერ აქციაზე შეუერთდა და განაცხადა, რომ მართლმსაჯულების საერთაშორისო სასამართლო ვენესუელას გაიანას ტერიტორიის ნაწილის ანექსიას უკრძალავს.