მაკრონმა ორბანი უკრაინის საკითხის განსახილველად პარიზში მიიწვია. ამის შესახებ ინფორმაციას Politico ოფიციალურ წყაროზე დაყრდნობით ავრცელებს.

Politico-ს ცნობით, საფრანგეთის პრეზიდენტი, ემანუელ მაკრონი მიიჩნევს, რომ უნგრეთის პრემიერ-მინისტრის დარწმუნება შეიძლება, რათა მან უკრაინის ევროკავშირში გაწევრიანების შესახებ მოლაპარაკებების დაწყებას მხარი დაუჭიროს.

„ეს არის წმინდა ტაქტიკური მომენტი, ამიტომ არის გარკვეული ოპტიმიზმი, რომ შეთანხმებას მივაღწიოთ“, - განუცხადა Politico-ს ოფიციალურმა წყარომ.

მაკრონსა და ორბანს შორის შესაძლო შეხვედრა პარიზში, მიმდინარე კვირის ბოლოს გაიმართება.