პალესტინელების მიმართ სოლიდარობის ნიშნად ნიკარაგუამ საგარეო საქმეთა მინისტრი რამალაში გაგზავნა, - ამის შესახებ ინფორმაციას ნიკარაგუის ადგილობრივი მედია ავრცელებს.

„ჩვენი ხალხისა და მთავრობის სახელით, პალესტინელების მიმართ ეს ნაბიჯი, ყველაზე მეგობრულ და საბრძოლო სოლიდარობას გამოხატავს“, - განაცხადა ნიკარაგუის ვიცე-პრეზიდენტმა, როსარიო მურილიომ.

ადგილობრივი მედიის ცნობით, ნიკარაგუის საგარეო საქმეთა მინისტრმა, დენის მონკადამ დასავლეთ ნაპირამდე მისაღწევად, გზაში 24 საათზე მეტი გაატარა.