პრემიერ-მინისტრის მრჩევლის ინიციატივით იმართება მორიგი სამუშაო შეხვედრა ადამიანის უფლებათა დაცვის ეროვნული სამოქმედო გეგმის (2024-2026 წწ) განხილვის თაობაზე
ადამიანის უფლებების დაცვის საკითხებში პრემიერ-მინისტრის მრჩევლის ინიციატივითა და გაეროს სააგენტოების, ევროკავშირის წარმომადგენლობის დახმარებით, სახელმწიფო უწყებებისა და სამოქალაქო სექტორის ჩართულობით, იმართება მორიგი სამუშაო შეხვედრა ადამიანის უფლებათა დაცვის ეროვნული სამოქმედო გეგმის (2024-2026 წწ) განხილვის თაობაზე.
მთავრობის ადმინისტრაციის ინფორმაციით, მოცემული დოკუმენტი შემუშავებულია მთავრობის ადმინისტრაციის კოორდინირებით სახელმწიფო უწყებების მიერ სამოქალაქო სექტორის რეკომენდაციებზე დაყრდნობით.
„აღნიშნული ფორმატი საშუალებას აძლევს სამოქალაქო სექტორს გამოხატონ თავიანთი მოსაზრებები გეგმის აქტივობებთან დაკავშირებით და მოისმინონ პასუხისმგებელი უწყებების უკუკავშირი.
ზემოაღნიშნული გეგმის შესრულების ეტაპზე მუშაობა სამოქალაქო სექტორთან ამგვარი ფორმატით კვლავ გაგრძელდება“, - ნათქვამია ინფორმაციაში.
