მარნეულის მუნიციპალიტეტის მერმა, კენან ომაროვმა, საკრებულოს თავმჯდომარე ამირან გიორგაძემ და მერის მოადგილემ ზურაბ ფანგანმა, ჟვანიას სახელობის სახელმწიფო ადმინისტრირების სკოლის დირექტორთან ქეთევან ჯაყელთან და სკოლის წარმომადგენლებთან შეხვედრა გამართეს. ამის შესახებ ინფორმაციას მარნეულის მერია ავრცელებს.

მათივე ცნობით, შეხვედრაზე ზურაბ ჟვანიას სახელობის სკოლაში არსებული მიმდინარე პროგრამები განიხილეს, რომელთა მიზანს წარმოადგენს ეროვნული უმცირესობებით კომპაქტურად დასახლებულ რეგიონებში მოქალაქეთა ინტეგრაციის ხელშეწყობა და სახელმწიფო ენის შესწავლა. ასევე, საჯარო მოხელეთა კვალიფიკაციის ამაღლება სხვადასხვა მიმართულებით.

შეხვედრაზე განხილულ იქნა მარნეულის მუნიციპალიტეტში არსებული სკოლის შენობაში მიმდინარე სარეკონსტრუქციო სამუშაოები, რომელიც უკვე დასრულებულია და იანვრიდან ჟვანიას სკოლა სრულფასოვნად განაახლებს მუშაობას.