რუსულმა ძალებმა წუხელ ხარკოვს 6-ჯერ დაარტყეს, - ინფორმაციას უკრაინული მედია ხარკოვის რეგიონული სახელმწიფო ადმინისტრაციის ხელმძღვანელზე, ოლეგ სინეგუბოვზე დაყრდნობით ავრცელებს.

მათივე ინფორმაციით, დაბომბვა S-300 ტიპის რაკეტებით განხორციელდა. თავდასხმის შედეგად დაზიანებულია სამოქალაქო საცხოვრებელი ინფრასტრუქტურა.

პოლიციის ინფორმაციით, ერთ-ერთ დაშავებულს, 36 წლის ქალს სამედიცინო დახმარება ადგილზე გაუწიეს. მეორე დაშავებული, 25 წლის მამაკაცი კი საავადმყოფოში გადაიყვანეს. მისი ჯანმრთელობის მდგომარეობა დამაკმაყოფილებელია.