ვანის საკრებულოს წევრს "ევროპული საქართველოდან" აღკვეთის ღონისძიების სახით 3000 - ლარიანი გირაო შეეფარდა. გადაწყვეტილება ქუთაისის საქალაქო სასამართლომ მიიღო.

მოსამართლემ ნაწილობრივ დააკმაყოფილა პროკურატურის შუამდგომლობა, რომელიც 5000 - ლარიან გირაოს ითხოვდა. პროცესს ესწრებოდა თავად ბრალდებული, რომელიც წაყენებულ ბრალთან დაკავშირებით დუმილის უფლებას იყენებს.

დაცვის მხარე დაკავებულის ყოველგვარი აღკვეთის ღონისძიების გარეშე გათავისუფლებას ითხოვდა.

კობა ძაგნიძეს გამოძიება არასრულწლოვანის მიმართ იძულებას ედავება. არსებული ინფორმაციით, მამაკაცმა არასრულწლოვანს ავტომობილი გაუჩერა, გამოართვა ტელეფონის ნომერი და იძულებით პირად ინფორმაციას სთხოვდა. შინაგან საქმეთა სამინისტროს ინფორმაციით, გამოძიება 150-ე მუხლით მიმდინარეობს, რაც იძულებას გულისხმობს.