აშშ, სამხრეთ კორეა და იაპონია უსაფრთხოების სფეროში თანამშრომლობის გაღრმავებაზე შეთანხმდნენ.

ამის შესახებ ინფორმაციას სააგენტო Reuters-ი ავრცელებს.

გავრცელებული ინფორმაციით, სამი სახელმწიფოს ეროვნული უსაფრთხოების მრჩევლები ერთმანეთს სეულში შეხვდნენ, სადაც მათ ჩრდილოეთ კორეის მიერ ჯაშუში თანამგზავრების გაშვება და კიბერსივრცეში არსებული საფრთხეები განიხილეს.

„ჩვენ ასევე წამოვიწყეთ ახალი სამმხრივი ინიციატივა ჩრდილოეთ კორეის მხრიდან მომდინარე საფრთხეების წინააღმდეგ, როგორიც არის კიბერდანაშაული და კრიპტოვალუტის ფულის გათეთრება, ასევე, ბალისტიკური რაკეტების გამოცდა“, - განაცხადა აშშ-ის პრეზიდენტის მრჩეველმა ეროვნული უსაფრთხოების მიმართულებით, ჯეიკ სალივანმა.

ჯეიკ სალივანის იაპონელმა კოლეგამ, ტაკეო აკიბამ აღნიშნა, რომ ჩრდილოეთ კორეის უკანონო კიბერ აქტივობები უკანასკნელ გამოწვევას წარმოადგენს და ჩრდილოეთ კორეა მათ ბირთვული რაკეტების განვითარების დასაფინანსებლად იყენებს.