აღმოსავლეთ პარტნიორობის მინისტერიალის ფარგლებში, ილია დარჩიაშვილი, ნიდერლანდელ კოლეგას შეხვდა. ამის შესახებ ინფორმაციას საქართველოს საგარეო საქმეთა სამინისტრო ავრცელებს.

როგორც საგარეო უწყების ხელმძღვანელი სოციალურ ქსელში წერს, ნიდერლანდების საგარეო საქმეთა მინისტრთან, ჰანკე ბრუინს სლოტთან შეხვედრაზე შესაძლებლობა ჰქონდა, გაეზიარებინა ინფორმაცია ევროკავშირში გაწევრიანების გზაზე საქართველოს მთავრობის ძალისხმევასთან დაკავშირებით.

„ნიდერლანდების საგარეო საქმეთა მინისტრთან, ჰანკე ბრუინს სლოტთან შეხვედრაზე, მქონდა შესაძლებლობა რომ გამეზიარებინა ინფორმაცია ევროკავშირში გაწევრიანების გზაზე საქართველოს მთავრობის ძალისხმევასთან დაკავშირებით. მე გამოვთქვი იმედი, რომ საქართველო მიიღებს კანდიდატის სტატუსს, რაც ძალიან მნიშვნელოვანია როგორც ქვეყნის ევროკავშირში გაწევრიანების გზაზე, ისე მთელი რეგიონისთვის“, - წერს დარჩიაშვილი X-ის პირად გვერდზე.