ისრაელის შეტევის შედეგად დასავლეთ სანაპიროზე, ქალაქ ჯენინში ოთხი პალესტინელი დაიღუპა, - ამის შესახებ ინფორმაციას პალესტინის ჯანდაცვის სამინისტრო ავრცელებს.

პალესტინის ჯანდაცვის სამინისტროს ცნობით, ისრაელმა უპილოტო საფრენი აპარატით ქალაქ ჯენინში ლტოლვილთა ბანაკსა და ალ-სიბატის რაიონებზე შეტევა განახორციელა.

პალესტინის საინფორმაციო სააგენტო WAFA-მ განაცხადა, რომ რეგიონის სამი საავადმყოფო ისრაელის სამხედროებმა ალყაში მოაქციეს.

პალესტინის ჯანდაცვის სამინისტროს ინფორმაციით, 7 ოქტომბრის შემდეგ დასავლეთ სანაპიროზე 275 პალესტინელი დაიღუპა.