ვფიქრობ, საქართველოსთვის კანდიდატის სტატუსის მინიჭების საკითხთან დაკავშირებით საბჭოში სირთულეები არ არსებობს, - ამის შესახებ ევროკავშირის საკითხებში ესპანეთის სახელმწიფო მდივანმა, პასკალ იგნასიო ნავარო რიოსმა ბრიუსელში ჟურნალისტებს განუცხადა, როდესაც მან უპასუხა შეკითხვას, მიენიჭება თუ არა საქართველოს კანდიდატის სტატუსი.

მისი თქმით, საბჭოს თავმჯდომარეობის წინადადება კომისიის რეკომენდაციებს უნდა შეესაბამებოდეს.

„ვფიქრობ, ამასთან დაკავშირებით საბჭოში სირთულეები არ არსებობს. ჩვენ ვიხილავთ ევროპული საბჭოს საბოლოო გადაწყვეტილებას, მაგრამ საბჭოს თავმჯდომარეობის წინადადება კომისიის რეკომენდაციებს უნდა შეესაბამებოდეს. საქართველოსთვის საუკეთესოს იმედი მაქვს“, - აღნიშნა ევროკავშირის საკითხებში ესპანეთის სახელმწიფო მდივანმა.