სერგეი ლავროვი გაერო-ს გენერალურ მდივანს ისრაელ-პალესტინის კონფლიქტის გრძელვადიანი გადაწყვეტის მოსაძებნად საერთაშორისო კონფერენციის მოწყობისკენ მოუწოდებს, - ამის შესახებ ინფორმაციას რუსეთის საგარეო საქმეთა სამინისტრო ავრცელებს.

„ერთადერთი გზა, რომ ეს პრობლემა სამუდამოდ და სამართლიანად მოგვარდეს, გაერო-ს უშიშროების საბჭოს ხუთივე მუდმივ წევრთან ერთად, საერთაშორისო კონფერენციის გამართვა იქნება“, - განაცხადა სერგეი ლავროვმა.

ლავროვმა აღნიშნა, რომ საერთაშორისო კონფერენციაში მონაწილეობა არაბული ქვეყნების ლიგის, ისლამური თანამშრომლობის ორგანიზაციისა და სპარსეთის ყურის არაბული ქვეყნების თანამშრომლობის საბჭოს წარმომადგენლებმაც უნდა მიიღონ.