სტატუსთან დაკავშირებით მოლოდინი არის მხოლოდ და მხოლოდ პოზიტიური, თეორიულად თუ შეიძლება დავუშვათ რაიმე სხვაგვარი გადაწყვეტილება, ეს შეიძლება იყოს ვადის ამბავი, - ამის შესახებ საპარლამენტო ფრაქცია “ ქართული ოცნების“ თავმჯდომარემ, მამუკა მდინარაძემ განაცხადა.

ამასთან მდინარაძე აღნიშნავს, რომ უნგრეთი საქართველოს განსაკუთრებით უჭერს მხარს.

"მოლოდინი არის მხოლოდ და მხოლოდ პოზიტიური. თეორიულად თუ შეიძლება დავუშვათ რაიმე სხვაგვარი გადაწყვეტილება, ხაზგასმით, მხოლოდ თეორიაში, ეს შეიძლება იყოს ვადის ამბავი, მაგრამ კანდიდატის სტატუსს ბუნებრივია, ვერანაირი საფრთხე ვერ დაემუქრება.

უნგრეთზე როცა აპელირებენ, არ უნდა დაგვავიწყდეს, რომ ეს ქვეყანა და მისი ლიდერი არა თუ საქართველოს ევროინტეგრაციის პროცესში ხელის შემშლელად შეიძლება მოგვევლინონ, არამედ ისინი ლობიზმის დონემდე ატანილი მხარდაჭერით ცდილობენ საქართველოს დაეხმარონ ამ გზაზე. შეიძლება იმ დონეზე არა, როგორც ამას უნგრეთი გამოხატავს, მაგრამ, ასევე, არიან სხვა ქვეყნები საბედნიეროდ განწყობილი და როგორც იქნა სამართლიან გადაწყვეტილებას ველოდებით. შარშან იყო უსამართლო გადაწყვეტილება, ესეც უნდა აღინიშნოს", - განაცხადა მდინარაძემ.