ისრაელის თავდაცვის ძალებმა ღაზას სექტორის ჩრდილოეთ ნაწილში „ჰამასის“ 70-ზე მეტი წევრი დააკავა

ისრაელსა და „ჰამასს“ შორის საომარი მოქმედებები გრძელდება.

ისრაელის თავდაცვის ძალების ინფორმაციით, ღაზას სექტორის ჩრდილოეთ ნაწილში „ჰამასის“ 70-ზე მეტი წევრი დააკავეს.

პარალელურად, პალესტინის ჯანდაცვის უწყების განცხადებით, ისრაელის ჯარებმა ღაზას საავადმყოფოების უმეტესობა ძალით დაიკავა და პაციენტებს მკურნალობის გაგრძელების საშუალებას არ აძლევს.

ამასთან, დღეს ისრაელის თავდაცვის ძალებმა ღაზას სექტორის სამხრეთში 4 საათის განმავლობაში ბრძოლა შეწყვიტეს, რათა მოსახლეობას საკვებისა და წყლის მიღების შესაძლებლობა ჰქონოდა. მედია ორივე მხარის ოფიციალურ წყაროებზე დაყრდნობით წერს, რომ ისრაელი-„ჰამასის“ ომს სულ მცირე 1 200 ისრაელელი და 18 600 პალესტინელი ემსხვერპლა.