კახეთის მხარეში სახელმწიფო რწმუნებულის ადმინისტრაციის ინფორმაციით, კახეთის რეგიონის რვავე მუნიციპალიტეტის ქუჩები და მოედნები საზეიმოდ მორთულია სახელმწიფო და ევროკავშირის დროშებით.

„ევროპული საბჭოს მიერ საქართველოს კანდიდატის სტატუსის მინიჭებასთან დაკავშირებით, კახეთის რეგიონის რვავე მუნიციპალიტეტის ცენტრალური ქუჩები და მოედნები საზეიმოდ მორთულია სახელმწიფო და ევროკავშირის დროშებით“, - ნათქვამია კახეთის მხარეში სახელმწიფო რწმუნებულის ადმინისტრაციის მიერ გავრცელებულ ინფორმაციაში.

ცნობისთვის, ევროპულმა საბჭომ საქართველოს კანდიდატის სტატუსი გუშინ მიანიჭა.