ევროკავშირში უკრაინისთვის 50 მილიარდი ევროს გადაცემაზე პრინციპული გადაწყვეტილება მიღწეულია. ამის შესახებ განცხადებას უკრაინის საგარეო საქმეთა სამინისტრო ავრცელებს.

განცხადებაში აღნიშნულია, რომ 50 მილიარდი ევროს გადაცემის თაობაზე პრინციპული გადაწყვეტილება არის “მკაფიო სიგნალი, რომ ევროკავშირის მხრიდან უკრაინის ფინანსური მხარდაჭერა გაგრძელდება.”

“ველით ყველა საჭირო იურიდიული პროცედურის დასრულებას 2024 წლის იანვარში, რომლებიც საშუალებას მოგვცემს შესაბამისი დაფინანსება რაც შეიძლება სწრაფად მივიღოთ”, - ნათქვამია განცხადებაში.

უკრაინის საგარეო უწყება აღნიშნავს, რომ აღნიშნული თანხა მიმართული იქნება მაკროეკონომიკური სტაბილურობის მხარდაჭერაზე, უკრაინის აღდგენასა და მოდერნიზაციაზე, და ასევე ევროკავშირში ინტეგრაციის დაჩქარებაზე.