ღაზის სექტორში სასტიკი ბრძოლა გრძელდება, გასული დღის განმავლობაში ისრაელის საჰაერო თავდასხმები განხორციელდა ანკლავის ჩრდილოეთ და სამხრეთ ნაწილებში, - ინფორმაციას BBC- ავრცელებს.

„ჰამასის“ მიერ კონტროლირებადი ჯანდაცვის სამინისტროს ინფორმაციით, ჯაბალიას ლტოლვილთა ბანაკზე გუშინ განხორციელებულ თავდასხმებს 90 ადამიანი ემსხვერპლა.

ისრაელი აცხადებს, რომ ის ყველაფერს აკეთებს მშვიდობიან მოსახლეობაში მსხვერპლის თავიდან ასაცილებლად, თუმცა საერთაშორისო ზეწოლა ცეცხლის შეწყვეტის კიდევ ერთი შეთანხმების მიღწევასთან დაკავშირებით კიდევ უფრო გაძლიერდა მას შემდეგ, რაც ისრაელის თავდაცვის ძალების ჯარისკაცებმა შეცდომით სამი ისრაელელი მძევლის ლიკვიდაცია მოახდინეს.

აღსანიშნავია, რომ ვაშინგტონის მოწოდების საპასუხოდ, ისრაელმა ომის დაწყების შემდეგ პირველად გახსნა ღაზას კერემ შალომის გადასასვლელი. ამ ნაბიჯის მიზანი ღაზის სექტორში მეტი რაოდენობით საკვებისა და მედიკამენტების მიწოდებაა.