აბდულ-ფათაჰ ალ-სისი ეგვიპტის პრეზიდენტად მესამე ვადით აირჩიეს, - ამის შესახებ ინფორმაციას სააგენტო Reuters-ი ავრცელებს.

ეგვიპტის ეროვნული საარჩევნო ადმინისტრაციის ცნობით, აბდულ-ფათაჰ ალ-სისიმ საპრეზიდენტო არჩევნებში ხმების 89,6% მოიპოვა და ქვეყნის პრეზიდენტის თანამდებობას მესამე, ექვსწლიანი ვადით დაიკავებს.

საარჩევნო ორგანოს წარმომადგენელმა ჰაზემ ბადავიმ განაცხადა, რომ საპრეზიდენტო არჩევნებში ამომრჩევლის აქტივობამ 66,8% შეადგინა და 39 მილიონზე მეტმა ადამიანმა მხარი მოქმედ პრეზიდენტს დაუჭირა.

აბდულ-ფათაჰ ალ-სისი ეგვიპტის პრეზიდენტის თანამდებობას 2014 წლიდან იკავებს.