მამუკა ხაზარაძეს უნდა უხაროდეს, „ნაცების“ სიაში ჩაეწერა - ველოდები მათ საერთო სიას, - ეს განცხადება პარლამენტში უმრავლესობის დეპუტატმა ირაკლი ზარქუამ გააკეთა.

ზარქუას თქმით, „ლელო“ და „ნაცები“, ერთი მთლიანი ორგანიზმია და ამ ორ პარტიაში ერთი ღირებულების, ერთი მრწამსის ხალხია.

„პარტიაში რომ სამადაშვილი გეყოლება, რანაირად უნდა იფიქრო, რომ „ნაცებისგან“ განსხვავებულია? ოპოზიციის წარმომადგენლებმა სახელმწიფოს წინააღმდეგ ბრძოლაში ერთმანეთი ამხილეს - სამადაშვილი სწორედ ქართული სახელმწიფოს წინააღმდეგ ამბობდა, ქვეყანას კანდიდატის სტატუსი არ მისცეთო. ეს ხელწერა აქვთ „ნაცებსაც“.

ბელადს ჩართვა ჰქონდა და თქვა, რომ თურმე, ემიგრანტებთან სამუშაოდ ხაზარაძე და იქით ვაშაძე გაშვებული ჰყავს. ვაშაძე და ხაზარაძე კარგად მუშაობენო - „ხაბემ“ ენა არ იცის და გაუჭირდება ცოტა... ჩემი „ხაბე“ ადგილობრივ პუბლიკასთან მუშაობს. მათი ლუსტრაცია ხდება. ესენი არიან ერთი გუნდი, ერთი ხელწერით და „ლუზერების“ პლატფორმაზე უნდა გაერთიანდნენ - გიჟი „ჯაფარა“, „ლელო“, „ნაცები“ და „რესპები“. ესენი არიან ანტისახელმწიფოებრივი ქმედებების ავტორები“, - განაცხადა ირაკლი ზარქუამ.