რუსეთი ევროპაში მისი აქტივების კონფისკაციას სიმეტრიულად უპასუხებს, - ამის შესახებ ქვეყნის ფინანსთა მინისტრმა, ანტონ სილუანოვმა განაცხადა.

„თუ ასეთი გადაწყვეტილების მიღება მოხდება, მაშინ რუსეთის ფედერაციის მხრიდან მოჰყვება აბსოლუტურად სიმეტრიული პასუხი. ჩვენ ასევე გვაქვს საკმარისი აქტივები, რომლებიც აქ არის გაყინული, არის ასევე ეგრეთ წოდებულ „C“ ანგარიშებზეც, ეს არის ჩვენი ვალდებულებები ფასიან ქაღალდებზე, დივიდენდებზე. ის, რაც წარმოადგენს ჩვენს ვალდებულებებს არამეგობრული ქვეყნების უცხოელი კონტრაგენტების წინაშე. ისინი ყველა გაყინულია”, - აღნიშნა რუსეთის ფინანსთა მინისტრმა.

მისი თქმით, ამ სახსრების გამოყენებით მნიშვნელოვანი შემოსავლის მიღებაა შესაძლებელი და შესაძლოა, რუსეთმა ის გამოიყენოს, თუკი „არამეგობრული პარტნიორები“ მსგავს გადაწყვეტილებას მიიღებენ.