სს „ენერგო-პრო ჯორჯია ჰოლდინგი“ მწუხარებას გამოთქვამს პრაღის უნივერსიტეტში მომხდარი თავდასხმის გამო.

ამის შესახებ ინფორმაციას კომპანია ავრცელებს.

„ვუსამძიმრებთ არამხოლოდ ჩვენს თანამშრომლებს პრაღაში, არამედ მთელ ჩეხ ხალხს - თანამოქალაქეების დაღუპვის გამო. ახსნა არ აქვს იმას, რაც მოხდა, ჩვენ თქვენთან ერთად ვგლოვობთ. ყოველთვის გვემახსოვრება ეს ტრაგიკული ამბავი“ - ნათქვამია კომპანიის განცხადებაში.

ცნობისთვის, 21 დეკემბერს, შეიარაღებულმა პირმა პრაღის ცენტრში, კარლის უნივერსიტეტში ცეცხლი გახსნა, რასაც 15 ადამიანი ემსხვერპლა.