„თიბისიმ“ ბიზნესის მხარდაჭერის პროექტში ბიზნეს დაჯილდოება 2023- ფინალისტი კომპანიები გამოავლინა.

ამის შესახებ ინფორმაციას „თიბისი“ ავრცელებს.

მათივე ცნობით, ფინალისტები 5 ნომინაციაში 400-ზე მეტი კომპანიიდან შეირჩა, რომლებიც წლევანდელ დაჯილდოებაში მონაწილეობდნენ.

„ბიზნეს დაჯილდოება „თიბისის“ ბიზნესის მხარდაჭერის პროექტია, რომელიც უკვე მეშვიდედ იმართება და მასში მონაწილეობა 3000-ზე მეტმა კომპანიამ მიიღო.

გაიცანით ბიზნეს დაჯილდოება 2023-ის ფინალისტები, რომელთა შორისაც გამარჯვებულებს ჟიური მომავალი წლის თებერვალში გამოავლენს:

საუკეთესო პროდუქტის შექმნისთვის - „სტოქტონი“; „ცვალებადი ნიშნები“; HIGHWAY VFX;

გამორჩეული სოციალური პასუხისმგებლობისთვის: „ტენე“; „ბაბალე“; „პეტიტ ბაზარი“.

საუკეთესო ინოვაციური სტარტაპისთვის Signify; KLIPY; Roommate.ge

გამორჩეული როლისთვის რეგიონის განვითარებაში: „ჰერბია“; „ალტიჰათი“; „სვანიძის ზეთისხილი“.

გამორჩეული სამომხმარებლო გამოცდილების შექმნისთვის - „ციმ.ციმ“; „ენთები“; „აუკი“, - ნათქვამია „თიბისის“ მიერ გავრცელებულ ინფორმაციაში.