პრაღაში, უნივერსიტეტში გუშინ მომხდარი სროლის შედეგად 14 ადამიანი დაიღუპა, გარდაცვლილია თავად თავდამსხმელიც, - ამის შესახებ ჩეხეთის პოლიციამ განაცხადა.

მათივე ინფორმაციით, დაშავებულია 25 ადამიანი, მათ შორის უცხოეთის სამი მოქალაქე, კერძოდ, ორი - არაბთა გაერთიანებული საამიროებიდან და ერთი ნიდერლანდებიდან. ჩეხეთის პოლიციაში აცხადებენ, რომ თავდამსხმელმა კიდევ სამი ადამიანი ქუჩაში დაჭრა.

ამასთან, განცხადება გაავრცელა ჩეხეთის შინაგან საქმეთა მინისტრმა, ვიტ რაკუშანმაც. მისი თქმით, დაღუპულთა შორის უცხო ქვეყნის მოქალაქეები არ არიან.