სოფო ჯაფარიძის განცხადებით, 23 დეკემბერს, ექიმების ჯგუფთან ერთად გიორგი ანწუხელიძის სოფელ ალვანში ჩავა, სადაც მოსახლეობას უფასო სამედიცინო კონსულტაციას გაუწევენ
მიხეილ სააკაშვილის წარმომადგენლის, სოფო ჯაფარიძის განცხადებით, 23 დეკემბერს, ექიმების ჯგუფთან ერთად გიორგი ანწუხელიძის სოფელ ალვანში ჩავა, სადაც მოსახლეობას უფასო სამედიცინო კონსულტაციას გაუწევენ.
მისი თქმით, ჰუმანიტარული მისიის ფარგლებში ეს რიგით მესამე ღონისძიებაა.
„ჩემთვის დიდი პატივია,რომ 23 დეკემბერს ჩვენი ჰუმანიტარული ინიციატივის ფარგლებში ექიმებთან ერთად ჩავალთ საქართველოს ეროვნული გმირის, გიორგი ანწუხელიძის მშობლიურ სოფელში, მის სახლში - ალვანში, სადაც ყველა მსურველი მიიღებს უფასო კონსულტაციებს . ეს გახლავთ რიგით მესამე ღონისძიება. მინდა მადლობა გადავუხადო ჩვენს ექიმებს , რომელთა რაოდენობაც ყველა ჯერზე იზრდება,” - განაცხადა სოფო ჯაფარიძემ.
