რომის პაპი - დაე, მშვიდობამ დაისადგუროს ისრაელსა და პალესტინაში - გთხოვთ, შეწყდეს სამხედრო ოპერაციები, რომლის საზარელი მოსავალი უდანაშაულო მშვიდობიანი მოსახლეობის მსხვერპლია
რომის პაპმა, ფრანცისკემ საშობაო მიმართვის დროს მსოფლიოში კონფლიქტების დასრულების მნიშვნელობაზე ისაუბრა.
რომის პაპმა, ვატიკანის წმინდა პეტრეს ბაზილიკაში შეკრებილ ათასობით ადამიანთან საუბრისას აღნიშნა, რომ უნდა შეწყდეს კონფლიქტები, პოლიტიკური, სოციალური თუ სამხედრო კონფლიქტები ქვეყნებში, მათ შორის უკრაინაში, სირიაში, იემენში, ლიბანში, სომხეთსა და აზერბაიჯანში.
„რამდენ უდანაშაულოს ხოცავენ ჩვენს სამყაროში! დაე, მშვიდობამ დაისადგუროს ისრაელსა და პალესტინაში, სადაც ომი ანგრევს ამ ხალხების სიცოცხლეს. გულში ვიკრავ მათ ყველას, განსაკუთრებით ღაზასა და მთელი წმინდა მიწის ქრისტიანულ თემებს. გთხოვთ, შეწყდეს სამხედრო ოპერაციები, რომლის საზარელი მოსავალი უდანაშაულო მშვიდობიანი მოსახლეობის მსხვერპლია და მოგიწოდებთ ჰუმანიტარული დახმარების გაწევის გზით ჰუმანიტარული სიტუაციის გადაწყვეტისკენ“, - აღნიშნა რომის პაპმა.
v-if="article.gallery" v-html="article.gallery"
