ინდოეთი არაბეთის ზღვაში გამანადგურებელ ხომალდებს განათავსებს, - ამის შესახებ ინფორმაციას ინდოეთის საზღვაო ძალები ავრცელებს.

„არაბეთის ზღვაში განხორციელებული თავდასხმების ბოლო ტალღის გათვალისწინებით, ინდოეთის საზღვაო ძალებმა მართვადი რაკეტების გამანადგურებლები სხვადასხვა ზონებში განალაგეს“, - ნათქვამია ინდოეთის საზღვაო ფლოტის განცხადებაში.

შეგახსენებთ, რომ შაბათს, ინდოეთის სანაპიროებთან ახლოს ისრაელთან კავშირში მყოფ გემს დრონით დაესხნენ თავს.

აშშ-მა განაცხადა, რომ განხორციელებული თავდასხმის უკან ირანი იდგა. ირანის საგარეო საქმეთა სამინისტრომ აშშ-ის ბრალდებას უსაფუძვლო უწოდა.