ევროკავშირის მიერ უკრაინისთვის 50 მილიარდი ევროს გამოყოფის შესახებ გადაწყვეტილების მიღების გადადების მიზეზი უნგრეთი არ ყოფილა, - ამის შესახებ უკრაინის საგარეო საქმეთა მინისტრმა, დმიტრო კულებამ განაცხადა.

„მათ არ სურთ, ჰქონდეთ ისეთი სიტუაცია, სადაც „მინუს ერთი“ გადაწყვეტილებების მიღება მუდმივად მოხდება“, - განაცხადა დმიტრო კულებამ.

კულებამ აღნიშნა, რომ ევროკავშირის ლიდერები უნგრეთს დამატებით დროს აძლევენ და ევროკავშირი უკრაინისთვის 50 მილიარდ ევროს ნებისმიერ შემთხვევაში გამოყოფს.

შეგახსენებთ, ევროპული საბჭოს პრეზიდენტმა, შარლ მიშელმა 14-15 დეკემბერს, ევროკავშირის ლიდერებს შორის გამართული მოლაპარაკებების დასრულების შემდეგ განაცხადა, რომ უნგრეთის პრემიერ-მინისტრმა, ვიქტორ ორბანმა ევროკავშირს საბიუჯეტო გადაწყვეტილების მიღების საშუალება არ მისცა, რომელიც უკრაინისთვის 50 მილიარდი ევროს გამოყოფას ითვალისწინებდა.