აშშ-ის დელეგაცია მექსიკის პრეზიდენტთან მიგრანტების ნაკადის გაზრდის შესახებ მოლაპარაკებებს გამართავს

აშშ-ის დელეგაცია მექსიკის პრეზიდენტთან მიგრანტების ნაკადის გაზრდის შესახებ მოლაპარაკებებს გამართავს.

ამის შესახებ ინფორმაციას Associated Press-ი ავრცელებს.

„მდივანი ბლინკენი დასავლეთ ნახევარსფეროში უპრეცედენტო არალეგალურ მიგრაციას განიხილავს და აშშ-სა და მექსიკას შორის არსებული სასაზღვრო გამოწვევების გადაჭრის გზებს დაასახელებს“, - ნათქვამია სახელმწიფო დეპარტამენტის განცხადებაში.

მექსიკის პრეზიდენტმა ანდრეს მანუელ ლოპეს-ობრადორმა განაცხადა, რომ დახმარებისთვის მზად არის, მაგრამ სურს კუბასთან და ვენესუელასთან აშშ-ის ურთიერთობებში პროგრესი იხილოს, რადგან მიგრანტების დიდი ნაწილი აშშ-ში შესვლას სწორედ აღნიშნული ქვეყნებიდან ცდილობს.

ცნობისთვის, მიმდინარე თვეში აშშ-ის სამხრეთ-დასავლეთ საზღვარზე ყოველდღიურად 10,000-მდე მიგრანტს აკავებენ.