„გამარჯვების კოალიციის“ - „ერთიანი ნაციონალური მოძრაობისა“ და „სტრატეგია აღმაშენებლის“ ლიდერები შეხვედრებს შიდა ქართლში, კასპში მართავენ.

როგორც პარტიის პრესსამსახურის მიერ გავრცელებულ ინფორმაციაშია ნათქვამი, შეხვედრაზე განხილულ თემებს სამომავლო გეგმები, 2024 წლის საპარლამენტო არჩევნები და საქართველოს ევროინტეგრაცია წარმოადგენს.

როგორც გიორგი ვაშაძე აღნიშნავს, არჩევნებში გამარჯვებისთვის ძალის მაქსიმალური კონსოლიდაციაა საჭირო, რათა საქართველო ევროკავშირის სრულუფლებიანი წევრი გახდეს.

„რეგიონებში ტურნეს ვაგრძელებთ. საქართველოს მთავარი ამოცანა ევროკავშირში დაჩქარებულად გაწევრიანებაა. ამისთვის მნიშვნელოვანია ძალების მაქსიმალურად კონსოლიდაცია, არჩევნებში გამარჯვება, რაც მოიტანს სწრაფ რეფორმებს და სწრაფ გაწევრიანებას ევროკავშირში, რაც არის მშვიდობა, ტერიტორიული მთლიანობა და ეკონომიკური კეთილდღეობისკენ სვლა”, - განაცხადა ვაშაძემ.