რუსეთ-ნატოს შორის დაძაბულობის გამწვავების შემთხვევაში პირველი ქვეყანა, რომელიც დაზარალდება ფინეთი იქნება, - ამის შესახებ საერთაშორისო ორგანიზაციებში რუსეთის მუდმივმა წარმომადგენელმა, მიხაილ ულიანოვმა განაცხადა.

„ისინი მშვიდობიანად ცხოვრობდნენ და მოულოდნელად რუსეთსა და ნატოს შორის აღმოჩნდნენ, როგორც ამ ალიანსის წევრი, მაგრამ რადგან ისინი ჩვენი მეზობლები არიან, თუ ღმერთი რაიმე სახის ესკალაციას დაუშვებს, პირველები ისინი დაზარალდებიან“, - განაცხადა რუსმა დიპლომატმა.

შეგახსენებთ, 18 დეკემბერს, ფინეთმა აშშ-სთან თავდაცვის სფეროში თანამშრომლობის ხელშეკრულება გააფორმა, რაც რუსეთმა აგრესიულ ნაბიჯად შეაფასა.