2024 წელს ტურიზმის ეროვნული ადმინისტრაციის ორგანიზებით, თბილისში საქმიანი ტურიზმის საერთაშორისო პრესტიჟული ფორუმი „m&i Tbilisi 2024“ გაიმართება.

ინფორმაციას ტურიზმის ეროვნული ადმინისტრაცია ავრცელებს.

მათივე ცნობით, მასშტაბურ ღონისძიებას 250-ზე მეტი საერთაშორისო კომპანიის წარმომადგენელი დაესწრება.

„2023 წელს თბილისმა discover Georgia powered by m&i ფორუმს უმასპინძლა, სადაც საერთაშორისო გაყიდვების 60-მდე კომპანია იყო წარმოდგენილი.

მიზნობრივ ქვეყნებში, საქართველოს საქმიანი ტურიზმის მიმართულების პოპულარიზაციისათვის, ტურიზმის ეროვნული ადმინისტრაციის საკონვენციო და საგამოფენო ბიურო 20-მდე საერთაშორისო გამოფენაში, კონფერენციასა და საერთაშორისო ღონისძიებაში მონაწილეობდა.

საქართველოში მასშტაბური ღონისძიებების, კონფერენციებისა და ფორუმების გამართვის მიზნით, გერმანიაში, საფრანგეთში, ნორვეგიაში, დანიაში, შვედეთში, კვიპროსში, საუდის არაბეთში, არაბთა გაერთიანებულ საამიროებსა და ტაილანდში პრეზენტაციები და საქმიანი შეხვედრები გაიმართა. საერთაშორისო ღონისძიებების ფარგლებში საკონვენციო და საგამოფენო ბიუროს წევრი კომპანიები B2B ფორმატის ფარგლებში საერთაშორისო კომპანიების წარმომადგენლებთან შეხვედრებს მართავდნენ.

2023 წელს ოსლოში გამართულ m&i ფორუმზე, საქართველო სერვისების მიმწოდებელ 180 კომპანიას შორის საუკეთესოდ დასახელდა“, - აღნიშნულია გავრცელებულ ინფორმაციაში.