2024 წლის საპრეზიდენტო არჩევნებში ვლადიმერ პუტინის კანდიდატურის მხარდასაჭერად ნახევარ მილიონზე მეტი ხელმოწერა შეგროვდა, - ამის შესახებ ვლადიმერ პუტინის წინასაარჩევნო შტაბის პრესმდივანმა, ალექსანდრა სუვოროვამ განაცხადა.

„ხელმოწერების პირველი ნაწილი დღეს მოსკოვის რეგიონიდან ცენტრალურ შტაბში მიიტანეს, დანარჩენი რეგიონები ხელმოწერების გაგზავნას 5 იანვრიდან დაიწყებენ. რეგიონული შტაბის უახლესი მონაცემებით, ვლადიმერ პუტინის მხარდასაჭერად 500 000-ზე მეტი ხელმოწერა შეგროვდა და ახლა ჩვენი ადვოკატები ყველა საჭირო დოკუმენტების შემოწმებას დაიწყებენ“, - განაცხადა სუვოროვამ.

რუსეთში საპრეზიდენტო არჩევნებში კანდიდატურის დასარეგისტრირებლად თვითდასახელებულმა პირმა მინიმუმ 300 000 ხელმოწერა უნდა შეაგროვოს. შეგახსენებთ, რომ რუსეთში საპრეზიდენტო არჩევნები 2024 წლის 17 მარტს გაიმართება.