უკრაინის ქალაქ ხარკოვში წუხელ აფეთქებები მოხდა და ქალაქის ცენტრში ხანძარი გაჩნდა , - ინფორმაციას უკრაინული მედია ავრცელებს.

ქალაქის მერმა იგორ ტერეხოვმა განაცხადა, რომ რუსულმა ძალებმა ქალაქს Shahed-ის ტიპის დრონებით დაარტყეს.

მისივე თქმით, თავდასხმის შედეგად დაზიანდა შენობები ქალაქის ცენტრში და განადგურდა წყალმომარაგების ქსელები. ამ დროისთვის არსებული მონაცემებით, არავინ დაშავებულა ან დაღუპულა.

გავრცელებული ინფორმაციით, წუხელ ხარკოვში დრონებით განხორციელებული ოთხი დარტყმა დაფიქსირდა.

შეგახსენებთ, რუსულმა ძალებმა გუშინ საღამოს ხარკოვზე 6-ზე მეტი დარტყმა განახორციელეს, დაზიანდა სამოქალაქო ინფრასტრუქტურა და საცხოვრებელი სახლები. დაშავდა 26 ადამიანი, მათ შორის 2 არასრულწლოვანი და ბრიტანელი ჟურნალისტი.