უკრაინის კონფლიქტთან დაკავშირებული რიტორიკა დასავლეთში თანდათან იცვლება, თუ ადრე საუბრობდნენ რუსეთის ფედერაციის სტრატეგიულ დამარცხებაზე, ახლა უკვე იწყებენ საუბარს მოლაპარაკებებზე, - ამის შესახებ რუსეთის პრეზიდენტმა, ვლადიმერ პუტინმა განაცხადა.

„ისინი, ვინც გუშინ საუბრობდნენ რუსეთისთვის სტრატეგიული მარცხის მიყენების აუცილებლობაზე, ახლა ეძებენ გამონათქვამებს, თუ როგორ შეიძლება კონფლიქტის რაც შეიძლება სწრაფად დასრულება“, - აღნიშნა პუტინმა.

მისი თქმით, დასავლეთი თანდათან აცნობიერებს, რომ რუსეთის განადგურება შეუძლებელია და სწორედ ეს არის მათი რიტორიკის შეცვლის მიზეზი.

"პრობლემის არსი უკრაინაში არ არის. ეს არის მათში, ვინც უკრაინის დახმარებით ცდილობს რუსეთის განადგურებას. აი, რაშია პრობლემა, მაგრამ არაფერი გამოუვათ. ეს უბრალოდ გამორიცხულია. აბსოლუტურად გამორიცხულია. ვფიქრობ, ამის გაცნობიერება თანდათან ხდება და რიტორიკა იცვლება“, - აღნიშნა რუსეთის პრეზიდენტმა.