ჩინეთი მზადყოფნას გამოთქვამს, მიწისძვრის შედეგად დაზარალებულ იაპონიას დაეხმაროს
ჩინეთი მზად არის მიწისძვრის შედეგად დაზარალებულ იაპონიას დაეხმაროს, - ამის შესახებ ჩინეთის საგარეო საქმეთა სამინისტროში განაცხადეს.
ჩინეთის საგარეო საქმეთა სამინისტროს პრესსპიკერმა, ვანგ ვენბინმა განაცხადა, რომ იაპონიაში მომხდარი მიწისძვრის შედეგად ჩინეთის მოქალაქეები არ დაშავებულან.
ვანგ ვენბინის ცნობით, გუშინ, ტოკიოს ჰანედას აეროპორტში თვითმფრინავების შეჯახების დროს იაპონიის ავიახაზების თვითმფრინავში 14 ჰონგ-კონგელი ტურისტი იმყოფებოდა და მათ ჩინეთის საელჩო უკვე დაუკავშირდა.
ამ დროისთვის არსებული ინფორმაციით, იაპონიაში მიწისძვრის შედეგად 64 ადამიანი დაიღუპა.
