გორის მუნიციპალიტეტის მერმა ვლადიმერ ხინჩეგაშვილმა საკრებულოს თავმჯდომარესთან დავით რაზმაძესთან, მის მოადგილესთან და საკრებულოს წევრებთან ერთად, გორში, კვერნაქის დასახლებაში ინფრასტრუქტურული პროექტები დაათვალიერა.

ამის შესახებ ინფორმაციას გორის მერია ავრცელებს.

უწყების ცნობით, სამებისა და პეტრიაშვილის ქუჩების მიმდებარედ, დასასვენებელი სივრცე მოეწყო, სადაც კალათბურთის მინიმოედანიც განთავსდა.

„2023 წელს გარეგანათების სისტემა სასაფლაოს ცენტრალურ გზებზე დამონტაჟდა. სამების ტაძართან, რეაბილიტაცია ჩაუტარდა კიბეს. ის დაზიანებული იყო და სარგებლობისას საფრთხეს უქმნიდა მოსახლეობას.

პროექტის მიხედვით, მოეწყო ბეტონის კიბე მოაჯირებით, საყრდენი კედელი და დამონტაჟდა გარეგანათების სისტემა.

სკვერი, ტაძართან მისასვლელი კიბე და სასაფლაოს ცენტრალური განათების მოწყობა კვერნაქის დასახლებაში მოსახლეობის ინიციატივითა და ჩართულობით განხორციელდა“,- ნათქვამია გორის მერიის მიერ გავრცელებულ ინფორმაციაში.