ლეგენდარული გერმანელი ფეხბურთელი, ფრანც ბეკენბაუერი 78 წლის ასაკში გარდაიცვალა, - ამის შესახებ ინფორმაციას გერმანული საინფორმაციო სააგენტო DPA-ი ავრცელებს.

„ღრმა მწუხარებით ვაცხადებთ, რომ ჩემი ქმარი და ჩვენი მამა, ფრანც ბეკენბაუერი, გუშინ, კვირას, ოჯახის გარემოცვაში, ძილში მშვიდად გარდაიცვალა. ვითხოვთ, რომ მშვიდად გლოვის საშუალება მოგვცეთ და კითხვების დასმისგან თავი შეიკავოთ“, - ნათქვამია ფეხბურთელის ოჯახის განცხადებაში.

გერმანული ფეხბურთის ლეგენდა, ფრანც ბეკენბაუერი მსოფლიო ჩემპიონი 1974 წელს ფეხბურთელის, ხოლო 1990 წელს მწვრთნელის რანგში გახდა.