სერბეთმა საკუთარი პერსპექტივა უნდა იპოვოს, რომელიც ევროპულ მომავალს, ასევე, ჩინეთთან და რუსეთთან მეგობრობას საფრთხეს არ შეუქმნის , - ამის შესახებ სერბეთის პრეზიდენტმა, ალექსანდრ ვუჩიჩმა განაცხადა.

„ჩვენ საკუთარი პერსპექტივა უნდა ვიპოვოთ, რომელიც ჩვენი ქვეყნის განვითარების დროს, ჩვენს ევროპულ მომავალს ან ჩინეთთან და რუსეთთან მეგობრობას საფრთხეს არ შეუქმნის“, - განაცხადა ვუჩიჩმა.

სერბეთის პრეზიდენტმა, პირობა დადო, რომ უახლოეს ხანში მომდევნო სამი წლის განმავლობაში განსახორციელებელ ყოვლისმომცველ გეგმებსა და პროგრამებს წარადგენს.

შეგახსენებთ, რომ გასული წლის დეკემბერში სერბეთში ვადამდელი საპარლამენტო და ადგილობრივი არჩევნები გაიმართა, რომელშიც ალექსანდრ ვუჩიჩის სერბეთის პროგრესულმა პარტიამ გაიმარჯვა. ოპოზიციამ განაცხადა, რომ სერბეთში არჩევნები გაყალბდა და არჩევნების შედეგების გაუქმების მოთხოვნით საპროტესტო აქციები მოეწყო.