ვოლოდიმირ ზელენსკი მოულოდნელი ვიზიტით ლიეტუვაში ჩავიდა.

ამის შესახებ ინფორმაციას უკრაინის პრეზიდენტი „ტელეგრამის“ არხზე ავრცელებს.

„ლიეტუვა, ესტონეთი და ლატვია ჩვენი სანდო მეგობრები და პრინციპული პარტნიორები არიან. დღეს ვილნიუსში ვიმყოფები, შემდეგ ტალინსა და რიგას ვეწვევი“, - განაცხადა ზელენსკიმ.

უკრაინის პრეზიდენტის ცნობით, იგი ლიეტუვის პრეზიდენტთან, პრემიერ-მინისტრთან და სეიმის სპიკერთან გამართავს მოლაპარაკებებს. ასევე, მედიის, პოლიტიკური ძალებისა და უკრაინული დიასპორის წარმომადგენლებს შეხვდება.

„რა თქმა უნდა, დიდი მადლობა მთელი 10 წლის განმავლობაში მიმდინარე ომის დროს და განსაკუთრებით ახლა, სრულმასშტაბიანი შემოჭრის დაწყების შემდეგ, უკრაინის უკომპრომისო მხარდაჭერისთვის“, - აღნიშნა უკრაინის პრეზიდენტმა.