წითელ ზღვაში „ჰუსიტების“ თავდასხმების გაგრძელებას “შედეგები მოჰყვება”. ამის შესახებ აშშ-ის სახელმწიფო მდივანმა ენტონი ბლინკენმა ბაჰრეინში რეპორტიორებთან საუბარში განაცხადა.

“არ დავწერ და წინასწარ არ განვიხილავ რამეს, რაც შეიძლება მოხდეს. ნათელი გავხადეთ, სხვა 20-ზე მეტ ქვეყანასთან ერთად ნათლად ვამბობდით, რომ თუ ეს გაგრძელდება, როგორც გუშინ მოხდა, ამას შედეგები მოჰყვება”, - განაცხადა ბლინკენმა.

სახელმწიფო მდივანმა აღნიშნა, რომ რეგიონული კონფლიქტის გავრცელების თავიდან ასარიდებლად “განსაკუთრებით მნიშვნელოვანია, რომ პასუხი გავცეთ ისეთ რამეს, როგორიცაა „ჰუსიტების“ მხრიდან მომავალი აგრესია”.

ბლინკენმა ასევე აღნიშნა, რომ „ჰუსიტების“ თავდასხმების მიერ შექმნილმა საფრთხემ საერთაშორისო კოალიცია შეკრა, რომელიც ამას დაუპირისპირდება.

ცნობისთვის, 9 იანვარს ამერიკულმა და ბრიტანულმა გემებმა 21 რაკეტა და დრონი ჩამოაგდეს, რაც დღემდე „ჰუსიტების“ მხრიდან ყველაზე მასშტაბური თავდასხმაა. თავდასხმის შედეგად გემები არ დაზიანებულა და არავინ დაშავებულა.