გივი მიქანაძე პარიზში იუნესკოს ახალგაზრდობის მიმართულების ხელმძღვანელს შეხვდა

საქართველოს პარლამენტის განათლების, მეცნიერებისა და ახალგაზრდობის საკითხთა კომიტეტის თავმჯდომარე გივი მიქანაძე საფრანგეთში ვიზიტის ფარგლებში, იუნესკოს ახალგაზრდობის მიმართულების ხელმძღვანელს სურია საად-ზოის შეხვდა.

პარლამენტის პრესსამსახურის ინფორმაციით, შეხვედრაზე გივი მიქანაძემ სურია საად-ზოის ინფორმაცია მიაწოდა საქართველოში ახალგაზრდობის მიმართულებით მიმდინარე საქმიანობაზე, მთავრობის მიერ დამტკიცებულ სტრატეგიაზე, 2024 წლიდან ახალგაზრდობის სააგენტოს გადასვლაზე განათლებისა და მეცნიერების სამინისტროში და პარლამენტში ანალოგიური ცვლილებების თაობაზე საკომიტეტო დონეზე.

„იუნესკოს წარმომადგენელთან შეხვედრაზე ისაუბრეს საჯარო სამსახურის შესახებ კანონმდებლობაში მმართველი გუნდის ინიციატივით შეტანილ ცვლილებებზე, რომლის თანახმადაც, 2022 წელს საჯარო სექტორში სტაჟირება გახდა ოფიციალური და ჩაითვალა სამუშაო სტაჟში, 2024 წლიდან კი ანაზღაურებადი გახდა. სურია საად-ზოიმ მაღალი შეფასება მისცა ახალგაზრდობის სექტორში საქართველოში მიმდინარე რეფორმებს და განსაკუთრებით აღნიშნა სტაჟირების კუთხით მიღწეული პროგრესი.

იუნესკოს ახალგაზრდობის მიმართულების ხელმძღვანელმა ისაუბრა ორმხრივი თანამშრომლობის მნიშვნელობასა და ინფორმაციის რეგულარულად ურთიერთგაცვლის აუცილებლობაზე. შეხვედრაზე შეთავაზებული იქნა ახალგაზრდობის საკითხებზე იუნესკოს პილოტირების სქემაში საქართველოდან ორი მუნიციპალიტეტის ჩართვა, აგრეთვე, სამინისტროსთან აქტიური თანამშრომლობაზე მზადყოფნა. შეხვედრის დასასრულს მხარეები აქტიურ კომუნიკაციასა და თანამშრომლობაზე შეთანხმდნენ.

შეხვედრას საფრანგეთში საქართველოს საგანგებო და სრულუფლებიანი ელჩი გოჩა ჯავახიშვილი და საელჩოს უფროსი მრჩეველი თეა ქარჩავა ესწრებოდნენ“,- ნათქვამია ინფორმაციაში.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ