სამხრეთ ჩინეთის ზღვაში შექმნილი დაძაბული ვითარებით ევროპა შეშფოთებულია, - ამის შესახებ გერმანიის საგარეო საქმეთა მინისტრმა, ანალენა ბერბოკმა განაცხადა.

„ინციდენტები, რომლებსაც უკანასკნელ თვეებში ჰქონდა ადგილი, როდესაც ჩინეთის სანაპირო დაცვამ ფილიპინების გემების წინააღმდეგ ლაზერები და წყლის ჭავლი გამოიყენა, ჩვენთვის ევროპაში, შეშფოთებას იწვევს“, - განაცხადა ანალენა ბერბოკმა.

ფილიპინების საგარეო საქმეთა მინისტრთან, ენრიკე მანალოსთან ერთად გამართულ პრესკონფერენციაზე ბერბოკმა აღნიშნა, რომ სამხრეთ ჩინეთის ზღვაში ჩინეთის ქმედებები სხვა სახელმწიფოების ეკონომიკურ უფლებებს არღვევს.

„ჩვენ წესებზე დაფუძნებული საერთაშორისო წესრიგის ერთგული ვართ“, - აღნიშნა გერმანიის საგარეო საქმეთა მინისტრმა.