შალვა პაპუაშვილი - სამწუხაროა, რომ დიპლომატების არაკომპეტენტურობა იწვევს წარმოდგენილი ქვეყნის იმიჯის შელახვას - იმედია, დანიის საელჩო ამ განცხადებას შესაბამისი კონტექსტით გაიგებს

ვნახეთ გუშინ დანიის საელჩოს განცხადება, რომელმაც, როგორც ჩანს, მთელი ეს გარემოება ახსნა ელჩის არაკომპეტენტურობით - იმედი მაქვს, რომ დანიის საელჩო ამ ჩემს განცხადებას ელჩის არაკომპეტენტურობასთან დაკავშირებით, შესაბამისი კონტექსტით გაიგებს, - ამის შესახებ პარლამენტის თავმჯდომარემ შალვა პაპუაშვილმა განაცხადა.

მისი თქმით, დანიის ელჩმა თავის წერილში ვერ შეძლო აზრის იმდენად კომპეტენტურად ჩამოყალიბება, რომ ამას არ ჰქონოდა სხვადასხვა კონტექსტი და განმარტება. პარლამენტის თავმჯდომარის შეფასებით, სამწუხაროა, როდესაც დიპლომატების არაკომპეტენტურობის გამო, თავად იმ ქვეყნის იმიჯი ილახება ქართული საზოგადოების თვალში.

„ჩვენ ვნახეთ გუშინ დანიის საელჩოს განცხადება, რომელმაც, როგორც ჩანს, მთელი ეს გარემოება ახსნა ელჩის არაკომპეტენტურობით, რომ მან ვერ მოახდინა ფორმულირება საკუთარი აზრის ისე, რომ სწორად გაგებულიყო. თუ ეს არაკომპეტენტურობაა, რომ კონტექსტებში ვერ სვამს ელჩი საკუთარ სტატიებს, ჩავთვალოთ რომ ეს არის არაკომპეტენტურობა. სამწუხაროა და დასანანია, რომ დიპლომატების არაკომპეტენტურობა იწვევს ხოლმე, საბოლოო ჯამში, წარმოდგენილი ქვეყნის იმიჯის შელახვას ქართული საზოგადოების თვალში. რაც შეეხება ჩემს განცხადებას ელჩის არაკომპეტენტურობასთან დაკავშირებით, იმედი მაქვს, რომ დანიის საელჩო ამ ჩემს განცხადებას შესაბამისი კონტექსტით გაიგებს. დანიის საელჩომ თქვა, რომ მისი ოპ-ედი არ იქნება გაგებული სწორად, შესაბამისად, ელჩმა ვერ შეძლო, სავარაუდოდ, საკუთარი აზრის ისე კომპეტენტურად წარმოსახვა, რომ მას სხვადასხვა კონტექსტი ან განმარტება არ ჰქონოდა“,- განაცხადა პაპუაშვილმა.

ცნობისთვის, დანიის ელჩმა დანიურ მედიაში გამოქვეყნებულ მოსაზრების წერილში ბიძინა ივანიშვილი ოლიგარქად მოიხსენია. გუშინ საქართველოს საგარეო საქმეთა სამინისტროს დიპლომატი უწყებაში განმარტების გასაკეთებლად დაიბარა.

პაატა ზაქარეიშვილი - ჟენევის ფორმატი შეიქმნა რუსეთ-საქართველოს ომის შემდეგ და მას არანაირი კავშირი არ აქვს სოხუმთან და ცხინვალთან, რადგან ლავროვი ამას სოხუმის ხელით აკეთებს, ეს უფრო არის პიარი, პროპაგანდა და დემაგოგია
ქართული პრესის მიმოხილვა 29.02.2024
საქართველოს უნივერსიტეტმა 100 000-ლარიანი ფონდის გამარჯვებული პირველკურსელები გამოავლინა
ბერლინის ფილარმონიული ორკესტრის ევროპაკონცერტი წინანდალში
საერთაშორისოდ ცნობილი ბრენდები ევროპროდუქტში