ისრაელის წარმომადგენელი მართლმსაჯულების საერთაშორისო სასამართლოში - ისრაელის ხელმძღვანელობის მიერ მიღებული გადაწყვეტილებები გენოციდურ განზრახვას არ შეიცავს

ადვოკატი მალკოლმ შოუ, რომელიც მართლმსაჯულების საერთაშორისო სასამართლოში ისრაელს წარმოადგენს, აცხადებს, რომ ისრაელის ხელმძღვანელობას „ჰამასის“ 7 ოქტომბრის თავდასხმების შემდეგ „გენოციდური განზრახვა“ არ გამოუვლენია.

„ისრაელის შესაბამისი ორგანოების მიერ მიღებული ოფიციალური და სავალდებულო პოლიტიკური გადაწყვეტილებების ნებისმიერი გულდასმითი მიმოხილვა აშკარად ადასტურებს, რომ ასეთ გადაწყვეტილებებს არ გააჩნია რაიმე გენოციდური განზრახვა“, - აღნიშნა მალკოლმ შოუმ.

მისი თქმით, სამხრეთ აფრიკამ წარმოადგინა ისრაელის პოლიტიკოსების მიერ ომზე გაკეთებული კომენტარების „დამახინჯებული სურათი“, რათა დაედგინა ისრაელის გენოციდური განზრახვა.

მალკოლმ შოუ აცხადებს, რომ ღაზასთან ომში ისრაელის პოლიტიკის განსაზღვრაში მხოლოდ ისრაელის ომის კაბინეტისა და უსაფრთხოების კაბინეტის პოლიტიკური გადაწყვეტილებებია რელევანტური.

„შემთხვევითი ციტატების შექმნა, რომლებიც არ შეესაბამება მთავრობის პოლიტიკას, საუკეთესო შემთხვევაში, შეცდომაში შეყვანას იწვევს”, - აცხადებს შოუ.

ისრაელი დღეს მართლმსაჯულების საერთაშორისო სასამართლოში პასუხობს მის წინააღმდეგ წაყენებულ ბრალდებებს იმის შესახებ, რომ ღაზის სექტორში მისი სამხედრო ოპერაცია გენოციდის კამპანიაა, რომელიც მიზნად ისახავს პალესტინის მოსახლეობის განადგურებას.

სამხრეთ აფრიკამ, რომელმაც მართლმსაჯულების საერთაშორისო სასამართლოში სარჩელი შეიტანა, გუშინ მოსამართლეებს სთხოვა, დააწესონ გადაუდებელი ზომები და დაავალონ ისრაელს, დაუყოვნებლივ შეწყვიტოს შეტევა.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ