ლევან დავითაშვილი - ვაზიანის აეროპორტის ტექნიკურ-ეკონომიკური კვლევები დაწყებულია - ეს მოიცავს რამდენიმე ეტაპს

ეკონომიკის მინისტრის, ლევან დავითაშვილის ინფორმაციით, ვაზიანის აეროპორტის ტექნიკურ -ეკონომიკური კვლევები დაწყებულია და ის რამდენიმე ეტაპს მოიცავს.

როგორც მან მთავრობის სხდომის დასრულების შემდეგ „ინტერპრესნიუსის“ კითხვის საპასუხოდ განაცხადა, სანავიგაციო კუთხით მიზანშეწონილობის განსაზღვრისთვის ტექნიკური შეფასებები მიმდინარეობს და ასევე, ფასდება კონკრეტული ტექნიკური პარამეტრებიც.

„ვაზიანის აეროპორტის ტექნიკურ ეკონომიკური კვლევები დაწყებულია. ეს მოიცავს რამდენიმე ეტაპს, რათა ვაზიანის აეროპორტის მიზანშეწონილობის სრულფასოვანი შეფასება მოხდეს. ეკონომიკური მიზანშეწონილობა საბოლოოდ ჩვენი გადაწყვეტილების ერთ-ერთი მნიშვნელოვანი ნაწილია. წინასწარი კვლევები არსებობს, რომელიც ჩვენ „აზიის განვითარების ბანკთან“ ერთად მოვამზადეთ. ბევრი მნიშვნელოვანი მიმართულება უკვე გამოკვეთილია, მაგრამ ეს საჭიროებს დამატებით მაღალ დონეზე კომპეტენტურ კვლევას, რომლის განხორციელებაც მიმდინარე წლის პირველ კვარტალშივეა დაგეგმილი. ასევე, სანავიგაციო კუთხით მიზანშეწონილობის განსაზღვრისთვის ტექნიკური შეფასებები მიმდინარეობს. ფასდება ასევე კონკრეტული ტექნიკური პარამეტრებიც. ეს კვლევები დასრულების პირასაა. საზოგადოებას 2024 წლის განმავლობაში პერიოდულად მივაწვდით ახალი საერთაშორისო აეროპორტის განვითარების შესახებ ინფორმაციას“,- განაცხადა ლევან დავითაშვილმა.

ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 19.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ