ისრაელის პრემიერ-მინისტრი, ბენიამინ ნეთანიაჰუ ჩეხეთის პრეზიდენტს, პეტრ პაველს შეხვდა. ამის შესახებ ინფორმაციას ადგილობრივი მედია ავრცელებს.

ისრაელის პრემიერ-მინისტრისა და ჩეხეთის პრეზიდენტის, პეტრ პაველის შეხვედრას ისრაელის ეროვნული უსაფრთხოების მრჩეველი, ცაჰი ჰანეგბი, დიპლომატიური მრჩეველი, ოფირ ფალკი და ჩეხეთში ისრაელის ელჩი, ანა აზარი ესწრებოდნენ.

პეტრ პაველი ისრაელში დღეს ჩავიდა და ბენიამინ ნეთანიაჰუსთან შეხვედრამდე ისრაელის პრეზიდენტს, იცხაკ ჰერცოგს შეხვდა.

ჩეხეთის პრეზიდენტი ისრაელის შემდეგ კატარს ეწვევა.